Ministria e Financave dhe Ekonomisë, nëpërmjet Shërbimit Kombëtar të Punësimit, ka çelur zhvillimin e Panaireve të Punës për vitin 2019.

Në qytetin e Korçës është organizuar sot “Panairi i Punës Korçë 2019”. Ky panair synon të vendosë marrëdhënie konkrete bashkëpunimi dhe komunikimi, midis ofertës dhe kërkesës në tregun e punës, për të prezantuar mundësitë që ofron tregu i punës në rajonin e Korçës.

Duke qenë një nga 50 punëdhënësit më të mëdhenj në Shqipëri, Fondi Besa fokusohet në tërheqjen dhe punësimin e të rinjve, të punonjësve me eksperiencë nga sektori bankar dhe financiar në përgjithësi dhe ky panair konsiderohet si një mundësi konkrete për kontaktimin e individëve që janë në kërkim të një pune.