Fondi Besa pati kënaqësinë të jetë për herë të dytë një ndër sponsorët e Forumit të Financës Alternative 2023.  Organizuar nën kujdesin e Institutit të Bankës Europiane të Investimeve dhe Grupit EIB, më datë 26 dhe 27 Prill 2023, Selanik, Forumi u fokusua në risitë në fushën e shërbimeve financiare.

Forumi u organizua me mbi 30 novatorë dhe liderë të sektorëve fintech dhe kapitalit social, të cilët ndanë me pjesëmarrësit idetë dhe zgjidhjet e tyre inovative, duke shfrytëzuar teknologjitë e reja për të zhvilluar shërbime financiare të qëndrueshme të bazuar në përvojën e përdoruesve dhe modeleve të reja të biznesit.