Fondi BESA sh.a Institucion për Kreditimin e Bizneseve, shpall konkurrimin për vend të lirë pune në pozicionin SPECIALIST PROJEKTESH për Zyrën Qendrore.

Kërkesat kryesore për kandidatët për këtë pozicion janë:

• Arsim i lartë në fushën e marketingut, biznesit ose të ngjashme;
• Eksperiencë e ngjashme në ndjekjen e zbatimit dhe raportimit për projekte të ndryshme;
• Aftësi në analizën e informacioneve të ndryshme që lidhen me tregun dhe kërkimet e tregut;
• Njohje shumë e mirë e gjuhës angleze;

• Aftësi të mira organizimi;
• Aftësi të mira bashkëpunuese dhe pune në grup;
• Aftësi të mira në programet e Microsoft Office;
• Aftësi të mira analitike dhe komunikuese.

Përshkrim i pozicionit të punës: 

1. Ndjek zbatimin e kontratave dhe marrëveshjeve të projekteve që institucioni ka me palë të treta në të gjithë komponentët e përfshirë në këto projekte.
2. Merr pjesë aktive në përgatitjen e dokumentacionit për aplikime për projekte të reja.
3. Monitoron dhe raporton në mënyrë periodike mbi progresin dhe implementimin e projekteve.
4. Merr pjesë në organizimin e trajnimeve dhe eventeve të lidhura me projektet dhe është personi i kontaktit me partnerët e huaj apo vendas për projektet.
5. Merr pjesë aktive në krijimin e infrastrukturës për produktet e reja të lidhura me projektet dhe ndjek zbatimin e fushatave të marketingut.
6. Përgatit informacione periodike mbi aktivitetin e institucionit.
7. Merr pjesë në kërkime tregu lidhur me sistemin financiar duke u fokusuar tek produktet dhe shërbimet e reja.

Të gjithë kandidatët duhet të paraqesin dokumentet e mëposhtme:

1. Kërkesë për punësim
2. Curriculum Vitae
3. Fotokopje të Diplomës Universitare të shoqëruar me listë notash.
4. Dëshmi të ndryshme kualifikimi
5. Reference pune nga punëdhënësi i fundit
6. Fotografi (1 copë)

Dokumentacioni i kërkuar të paraqitet brenda datës 24 Shkurt 2020 dhe të dorëzohet në zarf të mbyllur pranë Zyrës Qendrore të Fondit Besa, me adresë: Rruga “Dritan Hoxha”, Laprakë, Tiranë.

Për çdo informacion tjetër mund të vizitoni faqen tonë zyrtare në internet www.fondibesa.com dhe për çdo paqartësi mund të kontaktoni me Departamentin e Burimeve Njerezore & Shërbimeve pranë Zyrës Qendrore, në nr. e telefonit: 04 2253841/842.