Klientja: Kushdo do të zgjidhte Fondin Besa për kushtet që ofron dhe shpejtësinë në miratimin e kredisë

Me mbi 18 vite në treg, me një histori të mbushur me profesionalizëm, përgjegjshmëri dhe vullnet, Nesrete Fisniku është sot një sipërmarrëse e suksesshme në fushën e farmacisë. E nisi aktivitetin e biznesit para gati 2 dekadave dhe tani, me përkushtim ia doli që të menaxhojë e vetme 2 farmaci, në qytetin e Tiranës.

“Kur vendosa të hap farmacinë e dytë u ndesha me një konkurrencë shumë të fortë. Falë kredisë së përfituar nga Fondi Besa zgjerova aktivitetin, duke përfituar dhe shtimin e klientelës”, tregon e kënaqur klientja e Fondit Besa.

Oficerja e kredisë, Inesi, e cila falë angazhimit maksimal bëri të mundur që kredia të përfitohej shumë shpejt, thotë se, Nesreti ka shfaqur korrektesë, duke paguar gjithmonë në datë këstin e kredisë.

“Falënderoj përzemërsisht oficeren e kredisë për ndihmën. Jo vetëm unë, por kushdo që do të përfitojë financim do të zgjidhte Fondin Besa, pasi klienti nuk paguan komision për shlyerje të parakohshme të kredisë”, përfundon Nesrete Fisniku.